一人一鍋火鍋放題 任食澳洲和牛牛小排輕易回本

雖然天氣開始熱但仍然好想打邊爐！ 上次嚟過大將食好滿意，所以今次再翻兜 ✨澳洲和牛牛小排•嚴選和牛胸腹眼 120分鐘 $368✨ 屬於中價位嘅餐，淨係牛肉都有十一款👍🏻好易回本 主力食澳洲和牛牛小排，油脂豐富雪花均勻，碟碟都好靚 牛肩肉同牛板腱就少啲脂肪，但牛肉味濃郁 除咗牛肉仲有熊本豬梅花肉、羊肉卷同海鮮等等 湯底係一人一鍋，一共有十款選擇，揀咗新出嘅「和風羊腩煲」，羊腩煮得軟腍入味 自助火鍋配料有多款蔬菜同丸類，擺得乾淨企理 有我好鍾意食嘅年糕福袋同麻吉燒 最後記得留肚留時間食甜品😋 有自助窩夫機，軟雪糕同甜品櫃 窩夫表面微脆好香牛油味，薄薄一塊，一人一塊都唔過份😆 Tiramisu同米糠布甸細細杯都幾好味 📍大將 @taisyou.hk 將軍澳唐賢街9號PopCorn 1 1樓F10號舖